विदुर – नेपाली काँग्रेस नुवाकोटले आज आइतबार अनलाइन विचार विमर्श गरेको छ ।
समुदायमा काँग्रेस अभियान अन्तर्गत पाटीको काँग्रेस संगठन विभागले आयोजना गरेको नेपाली काँग्रेसको आगामी कार्यदिशा विषयमा अनलाइनमा सक्रिय नेता तथा कार्यकर्ताहरुबीच छलफल भएको पार्टी सचिव श्रीराम श्रेष्ठले जानकारी दिए ।
कार्यक्रममा जिल्ला पार्टीका कोषाध्यक्ष प्रल्हाद पन्त, किस्पाङ गाउँपालिकाका पूर्व अध्यक्ष तथा बागमती प्रदेश सदस्य छत्रबहादुर लामा, म्यागङ गाउँपालिकाका पूर्व उपाध्यक्ष शान्ति लामा, महासमिति सदस्य द्वय रुक्मणि सेढाईं र गीता अमात्य, महाधिवेशन प्रतिनिधि द्वय भवानी देवकोटा र पवित्रा पुडासैनीले पार्टीभित्र देखिएको गुटउपगुटको राजनीतिलाई अन्त्य गरेर जनताप्रति उत्तरदायी भएर कामगर्नु पर्ने धारणा राखेका थिए ।
पार्टी संगठन र राज्यको कुनै पनि पदमा दुई कार्यकालभन्दा बढी संलग्न हुन नपाउने, लामो समयसम्म योगदान, समर्पण, दृष्टि, क्षमता र जनाआधारको मापदण्ड हेरेर नेतृत्व दिनुपर्नेमा वक्ताहरुले जोड दिएका थिए ।
कार्यक्रममा नेपाल विद्यार्थी संघका पूर्वसचिव सरोज केसी, वडा सभापति उमंग शाक्य, क्षेत्रीय प्रतिनिधि राजकुमार आचार्य र वडासचिव चन्द्रलाल तामाङले आआफ्नो धारणा राखेका थिए ।
प्रतिक्रिया