२०८०, १७ फाल्गुन बिहीबार
social securities awareness bidur municipality

स्वास्थ्यमा लगानी गर्दै सहकारी सङ्घ

डबली खबर     पुष २६ २०८० ०८:५०

pratik book and stationery center in nuwakot

ढुंगे – जिल्ला सहकारी सङ्घ नुवाकोटले स्वास्थ्य सेवा सहकारीको निमित्त स्वास्थ्य क्षेत्रमा लगानी गर्ने प्रस्ताव पेश भएको छ । सहकारी संस्था ऐन, २०१६ अन्तर्गत वि.सं. २०२१ मा साझा स्वास्थ्य सेवा सहकारी संस्था लिमिटेड स्थापना गरेको थियो ।

बुधबार आयोजित सङ्घको ३१औं वार्षिक साधारणसभामा सङ्घका अध्यक्ष गोकर्णनाथ न्यौपानेले नुवाकोट स्टार अस्पतालमा शेयर खरिद र सदस्य संस्थाका शेयरधनीहरुको स्वास्थ्य उपचारमा समेत प्रदान गरिने जानकारी दिए । प्रस्तावित कार्यक्रम सङ्घको अर्को बैठकको निर्यणले गर्ने जनाएको छ ।

साधारणसभामा अस्पतालका अध्यक्ष किशोर महर्जन र विनोद श्रेष्ठले समुदायसँगको सम्बन्ध स्थापनामा सहकारी र स्वास्थ्य उपचारमा अस्पतालको अग्रणी भूमिकाबारे प्रस्तुतिकरण दिएका थिए ।

कार्यक्रम जिल्ला समन्वय समितिका प्रमुख रजिन्द्रविक्रमसिंह ठकुरीको प्रमुख आतिथ्यमा भएको थियो ।

चालुआर्थिक वर्षमा जिल्लाका सहकारीहरुको गतिविधिलाई साझा गर्न सङ्घले आफ्नो स्वामित्वमा रहेको अर्थवित्त मासिक पुन:प्रकाशनमा ल्याउने भएको छ । साथै सहकारीहरुको वित्तीय तथा तथ्यांकीय विवरण प्रकाशन गर्ने छ ।

सङ्घले व्यवसायिक घर भवनबाट भाडामार्फत मासिक पाँच लाखभन्दा बढी आम्दानी गरिरहेको छ भने सोहि बराबरको भवन निर्माणको १० वर्षे कर्जा चुक्ता रकम तिर्दै आईरहेको छ ।

प्रतिवेदनअनुसार गतवर्ष २०७९/८० अवधिभित्र सङ्घमा २९२ सदस्य सहकारी संस्था रहेको छ । सङ्घको व्यवसायिक भवनबाहेक सम्पत्ति ९ करोड ८ लाख ३१ हजार ८७३ रुपैयाँ रहेको छ ।

सङ्घले नुवाकोट जिल्लाका १२ वटै स्थानीय तहमा समन्वय उपसमिति गठन गरिसकेको छ ।

प्रतिक्रिया


nuwakot trishuli graphic web media service 2020

Top