लायनको कर्जा लगानी झण्डै ९ करोड

डबली खबर     पुष २० २०८० २०:०६

lion cooperative donate nepal redcross nuwakot
social securities awareness bidur municipality
bagamati province sanchar registrar office

नुवाकोट – लायन बचत तथा ऋण सहकारी संस्था लिमिटेडले गत आव २०७९/७९मा झण्डै ९ करोड लगानी गरेको छ ।

१६औं वार्षिक साधारणसभामा प्रस्तुत प्रतिवेदनअनुसार सहकारीले कर्जा लगानी आठ करोड ६२ लाख ८६ हजार ८४५ रुपैयाँ छ । सहकारीले १४ करोड ८१ लाख ८६ हजार ५३९ रुपैयाँ बचत संकलन र १२ लाख ३६ हजार रुपैयाँ खुद बचत गर्न सफल भएको छ ।

सहकारीले चालुआर्थिक वर्षमा दुई करोड २५ लाख रुपैयाँ आम्दानी गरी करिब २५ लाख रुपैयाँ नाफा आर्जन गर्ने लक्ष्य राखेको छ । यस्तै, सहकारीले यसवर्ष शेयर पुँजी पाँच करोड पुर्याउने लक्ष्य राखेको छ ।

साधारणसभाले गत आर्थिक वर्षको आयव्यय विवरणका साथै चालुआर्थिक वर्षको निती तथा कार्यक्रम र बजेट समेत पारित गरेको छ ।

साधारणसभामा विदुर नगरपालिकाका २ नम्बरका वडा अध्यक्ष दिपक कायस्थको प्रमुख आतिथ्य रहेको थियो ।

साधारणसभाको अवसरमा उत्कृष्ट बचतकर्ता, ऋणी तथा अन्य विधामा पुरस्कार तथा सम्मान वितरण गरेको छ । बचतकर्तातर्फ भवानी सुवेदी र रामशरण सिटौला रहेको सहकारीका अध्यक्ष कुवेरमान श्रेष्ठले जानकारी दिए । ऋणीतर्फ सविन अमात्य, मुकुन्द बजगाईं, बाल बचतकर्तातर्फ युनिषा श्रेष्ठ र श्रेया तामाङ रहेका छन् ।

सहकारीले वरिष्ठ सङ्कलक विकास लामिछानेलाई यस वर्षको उत्कृष्ट कर्मचारी घोषित गरेको छ ।

नेपाल रेडक्रस सोसाइटी नुवाकोट जिल्ला शाखाबाट नि:शुल्क रगत उपलब्ध गराउनका लागि स्थापना गर्न लागिएको एक करोड रुपैयाँको कोष अभियान अन्तर्गत सहकारीले १५ हजार रुपैयाँ उपलब्ध गराएको छ ।

प्रतिक्रिया


nuwakot trishuli graphic web media service 2020

Top