नुवाकोट – रेडियोको गुणस्तर वृद्धि र रेडियोको प्रशारण सामाग्रीलाई डिजिटलाइजमा सहयोग पुर्याउन रेडियोमा कार्यरत पत्रकार तथा सञ्चारकर्मीलाई पाँच दिने प्राविधिक तालिम प्रदान गरिएको छ ।
सञ्चार रजिष्ट्रारको कार्यालय बागमती प्रदेशले विदुरमा भएको पुस ८ देखि १२ गतेसम्म तालिममा समाचार उत्पादनका लागि आवश्यक प्राविधिक ज्ञान, सिप र रेडियोका लागि उत्पादित सामग्रीलाई डिजिटल माध्यमबाट वितरण गर्ने पोडकाष्टको सीप सिकाइएको सञ्चार रजिष्ट्रार रेवतीप्रसाद सापकोटाले बताए ।
तालिममा रत्नराज्य क्याम्पसका पत्रकारिता विभाग प्रमुख डा. श्रीराम पौडेल र सञ्चार रजिष्ट्रार कार्यालयका इञ्जिनियर रोशन कोइरालाले सहजीकरण गरेका थिए ।
तालिममा प्रदेशका नुवाकोट, रसुवा, सिन्धुपाल्चोक, काठमाडौ, मकवानपुर, ललितपुर, चित्तवन र धादिङका २३ जनाको सहभागीता रहेको थिए ।
प्रतिक्रिया