समृद्ध नुवाकोटको दसैं तिहार उत्कृष्ट सात फोटो सार्वजनिक

विदुर – सामाजिक सञ्जालमा सक्रिय युवाहरुको संस्थाले दसैं तिहारको अवसरमा विशेष फोटो प्रतियोगिताको उत्कृष्ट सात फोटो सार्वजनिक गरेको छ । संस्थाले बिहिबार साँझ सर्वाधिक हेरिएको आधारमा फोटो सार्वजनिक गरेको हो ।

सर्वाधिक धेरै पटक हेरिएको फोटोमा सलिना श्रेष्ठ, सगुन जी नेपाली, वसन्त तिमिल्सिना, सुरज प्याकुरेल, सपना श्रेष्ठ, पृथ्वीराज थापामगर र इन्साफ खाँको फोटो रहेको छ । सर्वाधिक हेरिएको फोटोमा सलिनाको फोटो ५१ हजार ४६५ पटक हेरिएको छ ।

प्रतियोगिताका प्रथम, द्वितीय र तृतीय हुनेले क्रमशः सात हजार ७७७, चार हजार ४४४ र दुई हजार २२२ रुपैयाँ गद पुरस्कार प्राप्त गर्ने संस्थाका अध्यक्ष पूर्णमान कुमार श्रेष्ठले जानकारी दिए ।

संस्थाले आफ्नो आधिकारिक सामाजिक सञ्जाल फेसबुक पेजमा फोटो पठाउन अनुरोध गरेको थियो ।