नुवाकोट – बेलकोटगढी नगरपालिका वडा नं. ५ को केउरीनीमा प्रथम बेलकोटगढी महोत्सव बुधवारदेखि सुरु भएको छ ।
महोत्सवको नेपाली काँग्रेसका केन्द्रीय सदस्य एवं नुवाकोट क्षेत्र नं. २ का प्रतिनिधिसभा सदस्य अर्जुननरसिंह केसीले उद्घाटन गरेका हुन् ।
नगर, व्यापार, पर्यटन, कृषि एवं सांस्कृतिकको महोत्सव कात्तिक १५ गतेदेखि कात्तिक २५ गतेसम्म सञ्चालन हुने जनाएको छ ।
महोत्सवस्थल केउरीनीको त्रिशुली नदी बगरमा ११५ वटा स्टलहरू तथा खेल र मनोरञ्जनका सामाग्रीहरू रहेको महोत्सव व्यवस्थापक नविन केसीले जानकारी दिए ।
महोत्सवमा राष्ट्रिय तथा स्थानीयस्तरमा ख्याती प्राप्त ६० भन्दा बढी कलाकारहरूको सांस्कृतिक प्रस्तुत हुनेछ ।
महोत्सवमा झण्डै एक करोड रुपैयाँको कारोवार हुने अनुमान गरिएको महोत्सव व्यवस्थापक केसीले जानकारी दिए ।
प्रतिक्रिया