संगम चित्रकलामा अमृता प्रथम

नुवाकोट – जिल्लास्तरीय अन्तर माध्यमिक विद्यालय चित्रकला प्रतियोगितामा भैरवी माध्यमिक विद्यालयकी अमृता विश्वकर्मा प्रथम भएकी छिन् ।

संगम बचत तथा ऋण सहकारी संस्था लिको २७औं वार्षिक साधारणसभाको अवसरमा आयोजित चित्रकला प्रतियोगितामा भैरवीकी अमृताले १६० अकं प्राप्त गरी प्रथम भएकी निर्णायक संयोजक शैलेश शाहीले जानकारी दिए ।

मङ्गलबार भिमसेन माध्यमिक विद्यालय बट्टारमा भएको प्रतियोगितामा पृथ्वी माविका द्वय सारा अर्याल द्वितीय र सोहिल तामाङ तृतीय भएका छन् ।

यस्तै, प्रतियोगितामा जालापदेवी बोर्डिङ स्कुलका सोफिया तामाङ र त्रिभुवन त्रिशूली माविका साजन तामाङले सान्त्वना प्राप्त गरेका छन् ।

विजेतालाई आगामी शनिबार कार्तिक १८ गते कोलिनिमा हुने सहकारीको साधारणसभा नगद पुरस्कारसहित प्रमाणपत्र वितरण गरिने सहकारीका अध्यक्ष नारायण श्रेष्ठले जानकारी दिए । विद्यार्थीभित्र लुकेर बसेका बहुप्रतिभालाई प्रस्फुटन गर्ने माध्यमको रुपमा चित्रकला प्रतियोगिताले टेवा पुर्याउने सहकारीका अध्यक्ष श्रेष्ठले बताए ।

प्रतियोगितामा १३ विद्यालयका २६ छात्रछात्राहरुको सहभागिता रहेको सहकारीका व्यवस्थापक अजयकुमार थापाले जानकारी दिए ।