विदुर – बागमती प्रदेशकाे संसदले नेवारी (नेपाल भाषा) र तामाङ भाषालाई सरकारी कामकाजि भाषाकाे रूपमा प्रयोग गर्नका लागि विधेयक सर्वसम्मत पारित गरेकाे कार्यलाई स्वागतयोग्य गर्दै नुवाकोटको बट्टारमा दीप प्रज्वलन गरेको छ ।
नेवाः देय् दबू नुवाकोट जिल्ला समिति र नेवाः देय् दबु विदुर नगर समितिकाे संयुक्त आयाेजनामा शनिबार बट्टारको पुरानो पाटीमा दीप प्रज्वलन गरेको नेवाः देय् दबू जिल्ला अध्यक्ष रामप्रसाद जोशीले जानकारी दिए ।
कार्यक्रममा नेवाः देय् दबू स्वनिगः विशेष प्रदेशका अध्यक्ष श्रीकृष्ण महर्जनले बागमती प्रदेश संसदबाट सर्वसम्मतले पारित गरेकाे विधेयकमा नेवाः भाषालाई प्रदेशकाे कामकाजि भाषाकाे रुपमा लागू गराउन निरन्तर खबरदारीकाे आवश्यकता रहेकाे बताए । श्रेष्ठले स्थानीय सरकारलाई पनि स्थानीय भाषा ऐन बनाउनका लागि भूमिका खेल्नु पर्ने बताए । त्यसैगरी भाषा विधेयक पारित गरेकाे दिन असोज २२ गतेलाई नेपालभाषा उत्सव दिवस मनाउनु पर्ने धारणा व्यक्त गरेका थिए ।
प्रदेश सरकारले सो दुइ भाषालाइ सरकारी कामकाज बनााउनका लागि ‘प्रदेश सरकारी कामकाजको भाषा सम्बन्धमा व्यवस्था गर्न बनेको विधेयक, २०८०’ प्रस्तुत गरेको थियो । अब बागमती प्रदेशको सरकारी कामकाजको लागि नेपालीसहित नेपाल भाषा र तामाङ भाषाले पनि मान्यता पाएका हुन् ।
प्रतिक्रिया