२०८१, ३ बैशाख सोमबार

नुवाकोटय् भाषा विधेयकयात कया लसकुसयात

डबली खबर     कार्तिक १३ २०८० १४:५८

newari language battar bidur trishuli nuwakot
pratik book and stationery center in nuwakot
social securities awareness bidur municipality
bagamati province sanchar registrar office

विदुर – बागमती प्रदेसया संसदं नेपालभाषा व तामाङ भाषायात सरकारी कामकाजि भाषा यायेगु नितिं विधेयक सर्वसम्मतं पारितयाःगुयात कया नुवाकोट जिल्लाया विदुर नगरय् लसकुसयासें सांसदपिन्त सुभाय् देछाःगु दु।

नेवाः देय् दबू नुवाकोट जिल्ला समिति व नेवाः देय् दबु विदुर नगर समितिया मंकाः ग्वसालय् म्हिगः शनिवाः उगु ज्याझ्वः जूगु खः । बटारया पुलांगु बजारय् च्वंगु फल्चाय् जूगु उगु ज्याझ्वःया सभानायः देय् दबू नुवाकोट जिल्ला समितिया नायः रामप्रसाद जोशी जुयादीगु खः ।

देय् दबू बागमती प्रदेश समितिया दुजः नरेन्द्र प्रधानं न्ह्याकादीगु उगु ज्याझवःया मूपाहां देय् दबू स्वनिगः विशेष प्रदेशया नायः श्रीकृष्ण महर्जन जुयादीगु खः। वागमती प्रदेस संसदं सर्वसम्मतं पारित याःगु विधेकय् नेवाः भाय्यात प्रदेशया कामकाजि भाषाया रुपय् लागू यायेगु नापनापं नेपाल संवतयात तकं प्रयोग यायेगु धकाः उल्लेख जुयाच्वंगु खँ न्ह्यथसें मूपाहां महर्जन आः स्थानीय सरकारयात तकं स्थानयि भाषाया ऐन दयेके बिइगु नितिं भूमिका म्हितेमाःगु कनादिल ।

अथे हे भाषा विधेयक पारित याःगु दिं असोज २२ गतेयात आः नेपालभाषा लसता दिं कथं हनेमाःगु खँ तकं कनादीगु खः । अथे हे स्थानीय थीथी खलः पुचःया प्रतिनिधिपिन्सं नं भिंतुना न्वचू तयादीगु खः । शनिवाः हे बहनी हाकनं उगु हे फल्चा मैन मत च्याका धिमे बाजं थाना उत्सव न्यायेकूगु खः ।

प्रतिक्रिया


nuwakot trishuli graphic web media service 2020

Top