विदुर – ६८औं प्रहरी दिवसको अवसरमा जिल्ला प्रहरी कार्यालय नुवाकोटले जेष्ठ नागरिकलाई फलफुल वितरण गरेको छ ।
आईतबार विदुर नगरपालिकाको देवीघाटमा रहेको देविघाट जेष्ठ नागरिक संरक्षण तथा अध्ययन प्रतिष्ठानद्वारा सञ्चालित जेष्ठ नागरिक आश्रम सेवाका वृद्धवृद्धालाई फलफुल वितरण गरिएको प्रहरी प्रमुख प्रहरी उपरीक्षक सञ्जय सिंह थापाले जानकारी दिए ।
कार्यक्रममा नेपाली काँग्रेसकी नेतृ विन्दा नेपाल, प्रहरी नायाव उपरीक्षक खगेन्द्रबहादुर खड्का लगायतको उपस्थिति रहेको थियो ।
साथै आश्रम परिसरमा सरसफाई समेत गरिएको प्रहरी प्रमुख थापाले जानकारी दिए ।
असोज ३० गते प्रहरी दिवस एक समारोहकाबीच संघीय, प्रदेश र जिल्ला साताव्यापी तय भएको कार्यक्रम अनुसार देशभर प्रहरीले विभिन्न कार्यक्रम गरी प्रहरी दिवस मनाउँदै छ ।
प्रतिक्रिया