२०८१, ५ बैशाख बुधबार

व्यवसायीलाई करदाता शिक्षा

डबली खबर     आश्विन ८ २०८० १३:१२

taxation education and interaction program in nuwakot
pratik book and stationery center in nuwakot
social securities awareness bidur municipality
bagamati province sanchar registrar office

विदुर – करदाता सेवा कार्यालय गल्छीले वर्तमान कर व्यवस्था तथा आर्थिक विधेयक २०८० मा भएका छुटसुविधाहरुको बारेमा जानकारीमूलक करदाता शिक्षा कार्यक्रम सम्पन्न गरेको छ । सोमबार ईलम प्रशिक्षण केन्द्र विदुरमा नुवाकोट उद्योग वाणिज्य संघको संयोजनमा कार्यक्रम भएको हो ।

व्यवसायीले करको विषयमा हेर्ने दृष्टिकोण परिवर्तन जरुरी रहेको कर कार्यालयका कर अधिकृत शिखा वाग्लेले बताईन् । छाता संगठन तथा परामर्श सेवाले आफ्ना सदस्यहरुलाई करको विषयमा सचेत गरी कर तिर्नुपर्ने भावना जागिकृत गर्नुपर्ने विचार व्यक्त गरिन् । कारोबार गर्ने सम्पूर्ण व्यवसायीलाई करको दायरामा आउन अनुरोध गरिन् ।

संघका अध्यक्ष राजेन्द्र श्रेष्ठले उद्योगी, व्यवसायीहरुले कर तिर्ने सहज वातावरण सिर्जना गर्न र जिल्लाका व्यवसायीहरुलाई प्रोत्साहन र मनोबल बढाउने कार्यक्रम ल्याउन कर कार्यालयलाई अनुरोध गरे । जिल्लामा नयाँ व्यवसायीहरुको सहजताका लागि घुम्ती शिविर सञ्चालन गर्न समेत कर अधिकृत वाग्लेलाई प्रस्ताव राखे ।

आव २०८०/८१ को बजेट वक्तव्यमा उल्लेख भएको मूल्य अभिवृद्धि कर अवधि परिवर्तन, प्यान/भ्याट, तथा कर छुट लगायतका विषयबारे कार्यालयका प्रेमकुमार श्रेष्ठले प्रस्तुति दिएका थिए ।

कार्यक्रममा सहभागीहरुले व्यक्तिगत तथा व्यवासायिक कर, मूल्य अभिवृद्धि कर लगायतका विषयकमा जिज्ञासा राखेका थिए ।

प्रतिक्रिया


nuwakot trishuli graphic web media service 2020

Top