२०८१, १३ जेष्ठ आईतवार

एक हजारभन्दाबढीले लिए स्वास्थ्य उपचार सेवा

डबली खबर     आश्विन ७ २०८० ११:५०

free health camp in Dupcheshwar RM Nuwakot
pratik book and stationery center in nuwakot
social securities awareness bidur municipality
bagamati province sanchar registrar office

नुवाकोट – शनिबार दुप्चेश्वर गाउँपालिकाका एक हजारभन्दा बढी नागरिकहरुले निःशुल्क स्वास्थ्य शिविरबाट उपचार लिएका छन् । यशोदादेवि भगवानसिंह केसी मेमोरियल ट्रस्ट,ॐ हस्पिटल रिसर्च सेन्टर, सुर्यमती चन्द्रमती बहुउद्धेशीय सहकारी संस्थाद्वारा संयुक्त रुपमा समुन्द्रटार स्वास्थ्यचौकीमा १ दिने निःशुल्क स्वास्थ्य शिविर आयोजना गरिएको थियो ।

आफ्ना आमाबुबाको स्मृतिमा ट्रस्टमार्फत विभिन्न सामाजिक काम गर्दै आइरहेको नेपाली काँग्रेसका केन्द्रीय सदस्य अर्जुननरसिंह केसी परिवारले नुवाकोटको दुप्चेश्वर गाउँपालिकाका नागरिकहरुलाई निःशुल्क स्वास्थ्य शिविरको व्यवस्थापन गरेको हो ।

ट्रस्टको आयोजनामा भएको स्वास्थ्य शिविरपछि ९१ जना स्वयम्सेविकाहरुलाई सम्मान गरिएको ट्रस्टका सचिव जगदीश्वरनरसिंह केसीले जानकारी दिए ।

स्वास्थ्य शिविरमा विशेषज्ञ चिकित्सकहरुले पूर्जीअनुसार बिरामीहरुलाई औषधी समेत वितरण गरिएको ट्रस्टका अध्यक्ष केदारनरसिंह केसीले जानकारी दिए । शिविरमा नाक, कान, घाँटी, हाडजोर्नी, मधुमेह, अल्ट्रासाउण्ड, एक्सरेलगायतका उपचार सेवा प्रदान गरिएको उनले जानकारी दिए ।

ट्रस्टका संरक्षक अर्जुननरसिंह केसीले आफूहरुले राजनीतिभन्दा पर गएर सामाजिक भावनाले आफ्ना माता पिताको स्मृतिमा काम गर्दै आएको बताए ।

यसअघि ट्रस्टमार्फत नुवाकोट जिल्लाका विभिन्न स्वास्थ्य केन्द्रहरुलाई स्वास्थ्य सामाग्री वितरण गरेका थिए ।

प्रतिक्रिया


nuwakot trishuli graphic web media service 2020

Top