काठमाडौं – सिसि क्यामेरामा ख्यातिप्राप्त दावा टेक्नोलोजिले नेपाल अधिराज्यभरका ‘बिक्रेता सम्मेलन’ गरेको छ । चिनियाँ ब्राण्ड दावाले नेपालको आधिकारिक बिक्रेता एचएमसी नेपालको आयोजनामा उक्त कार्यक्रम गरेको जनाएको छ ।
कार्यक्रममा वर्षभरी दावा टेक्नोलोजिको सामाग्री धेरै बेच्ने १२ बिक्रेतालाई सम्मानसहित ५ लाख बराबरको स्वास्थ्य बीमा प्रदान गरेको छ । प्रहरी अतिरिक्त महानिरीक्षक (एआईजी) किरण बज्राचार्यको आतिथ्यमा भएको कार्यक्रममा दावा टेक्नोलोजिका चिनियाँ डेलिगेट्सहरुको समेत उपस्थिती थियो ।
कार्यक्रमलाई सम्बोधन गर्दै प्रहरी अतिरिक्त महानिरीक्षक बज्रचार्यले सीसी क्यामेराका कारण समाजमा सुरक्षा र शान्ति कायम गर्न सहज भएको बताए । उनले देशमा भइरहेका प्रमुख अपराधिक घटनामा सीसी टीभी फुटेजका कारण अनुसन्धान गर्न र उनीहरुलाई नियन्त्रणमा लिन सहज भएको समेत बताए ।
आधिकारिक बिक्रेता एचएमसीका सन्तोषकुमार श्रेष्ठले दावा टेक्नोलोजिका कारण नेपालमा असुरक्षाको जोखिम न्यूनीकरण हुँदै गएको बताए । उनले दावाबाट उत्पादित सीसी क्यामेराका कारण समाजमा शान्ति र अमनचयन कायम गर्न सहयोगी भूमिका खेलेको बताए ।
देशभरका वितरकहरु सहभागी रहेको कार्यक्रममा चीनबाट दावा टेक्नोलोजिका दक्षिण एसिया क्षेत्रीय निर्देशक जेम्स युले नेपालमा सीसी क्यामेराको बजार बढ्दो अवस्थामा रहेको बताए । उनले भने, ‘चीन र भारतबीचमा रहेको नेपालमा आर्थिक गतिविधि बढ्दै जाँदा सीसी टीभीको माग समेत बढ्दै गइरहेको छ ।’
प्रतिक्रिया