२०८०, १६ फाल्गुन बुधबार
social securities awareness bidur municipality

नेपाली सेनाका ९८ जना सिपाही दीक्षित

डबली खबर     भाद्र २५ २०८० १८:११

nepal army convocation in jabar jung gana nuwakot
pratik book and stationery center in nuwakot

विदुर – जबरजंग गण नुवाकोटमा सञ्चालित सैन्य आधार तालिमबाट ९८ जना नेपाली सेनाका सिपाही दीक्षित भएका छन् ।

सोमबार एक कार्यक्रममा उनीहरुलाई मध्यपृतना मुख्यालयका महासेनानी मदन थापा क्षेत्रीले दीक्षित गर्दै सेवा प्रवेश गराएका हुन् ।

विदुर नगरपालिकाको देवीघाट ब्यारेकमा नौ महिने तालिम पूरा गरेकाहरुलाई एक समारोहको आयोजना गरेर दीक्षान्त गरिएको हो । सि.सं. १० सैन्य आधार तालिमको दीक्षान्त समारोह सम्पन्न भएको गणका गणपति चिरञ्जीवी पौडेलले जानकारी दिए ।

कार्यक्रमलाई सम्बोधन गर्दै सहायक रथी थापाले दीक्षितहरुलाई निर्देशन दिदैं राष्ट्रले योग्य व्यक्तिका रुपमा छनौट गरेकाले कार्य क्षेत्रमा खटिदा राष्ट्र, नेपाली जनता र नेपाली सेनाको शिर उच्च राख्ने गरी काम गर्नुपर्ने बताए ।

तालिम अवधिभर विभिन्न विधामा उत्कृष्ट हुन सफल भएका सिपाहीलाई महासेनानी थापाले पुरस्कार वितरण गरेका थिए ।

यस्तै, सैन्य तालिम केन्द्रबाट सि.सं. ७८ सैन्य आधारबाट २८९ महिला शिक्षार्थी दीक्षित भएका छन् । नेपाली सेनाका बलाधिकृत रथी सरोजप्रताप राणाले शिक्षार्थीलाई दीक्षित गराएका थिए ।

प्रतिक्रिया


nuwakot trishuli graphic web media service 2020

Top