नुवाकोट । सिटिजन्स बैंक इन्टरनेसनल लिमिटेडले देवीघाटमा रहेको जालपादेवी मन्दिरलाई क्युआर कोड भएको चन्दा बाकस प्रदान गरेको छ ।
बैंकका देवीघाट शाखाका प्रमुख कृष्णप्रसाद धितालले सामाजिक उत्तरदायित्व अन्तर्गत मन्दिर संरक्षण समितिका अध्यक्ष मानबहादुर डंगोललाई उक्त बाकस हस्तान्तरण गरेको हो ।
क्युआर कोड सेवाले आधुनिकीकरणको सुरुवात गरेको बताउँदै यस्तो प्रणालीले कारोबारमा पारदर्शिता ल्याउने अध्यक्ष डंगोलले बताए ।
उक्त कोडबाट भक्तजनले आफ्नो मोबाइल बैंकिङ एप्लिकेसन वा मोबाइल वालेटमार्फत् सजिलै जालपादेवी मन्दिरमा डिजिटल रुपमा भेटी चढाउन सकिने भएको छ ।
यस माध्यमबाट भेटी चढाउँदा कागजको नोट सुरक्षित हुनुकोसाथै सोझै मन्दिर संरक्षण समितिको बैंक खातामा पुग्ने जनाएको छ ।
प्रतिक्रिया