नुवाकोट – बागमती प्रदेश सरकारले पत्रकार तथा विभिन्न विधाका व्यक्ति गरी १२ जनालाई सम्मान गरेकाे छ । प्रदेश सरकारले विकास र समृद्धिमा भूमिका खेलेको भन्दै १६ औँ गणतन्त्र दिवस २०८० का अवसरमा सोमबार गणतन्त्र दिवस कार्यक्रममा ६ जना पत्रकारलाई नगदसहित सम्मान गरेको हो भने प्रदेश सरकारले खुला लेख प्रतियोगितामार्फत् ६ जनालाई पुरस्कृत गरेको छ ।
प्रदेश सरकारले बागमती प्रदेशमा पत्रकारितामार्फत क्रियाशील रही समाज रुपान्तरणमा अनुकरणीय भूमिकाको योगदान र मूल्यांकन गर्दै नुवाकोटका पत्रकार शक्तिमाया तामाङलाई सम्मानसहित २० हजार नगदले पुरस्कृत गरेको छ । प्रदेश प्रमुख यादवचन्द्र शर्मा र मुख्यमन्त्री शालिकराम जम्कट्टेल द्वयले पत्रकार तामाङलाई संयुक्तरुपमा पुरस्कृत गरेका हुन् ।
बिबिसी नेपाली सेवा र नुवाकोटको रेडियो चिम्टेश्वरमा आबद्ध छन् भने को जिल्ला प्रतिनिधि हुन् भने पत्रकार तामाङ नेपाल जनजाती आदिवासी पत्रकार महासंघ नुवाकोटका अध्यक्ष हुन् ।
यस्तै, प्रदेशमा पत्रकारितामार्फत समाजको बहुआयामिक विकासमा टेवा पुर्याएकोमा अग्रज पत्रकार सम्मानबाट सिन्धुपाल्चोकका सुरेश कसजु, विकाश पत्रकारिता सम्मानबाट चितवनका पत्रकार अनिल ढकाल, ग्रामीण पत्रकारिता सम्मानबाट मकवानपुरका पत्रकार शिवकुमार रिजाल ‘काशी’ र युवा पत्रकारिता सम्मानबाट सिन्धुलीका विक्रम रत्नलाई पुरस्कृत भएका छन् । पुरस्कारको राशी जनही २० हजार रुपैयाँ रहेको छ।
उक्त अवसरमा प्रदेश सरकारले खुला लेख प्रतियोगितामार्फत् ६ जनालाई पुरस्कृत गरेको छ । प्रदेश सरकारको तर्फबाट आन्तरिक मामिला तथा कानुन मन्त्रालयले उक्त लेख सङ्कलन तथा मूल्याङ्कन गरेको थियो । मन्त्रालयले सञ्चार रजिस्ट्रारको कार्यालयबाट मूल्याङ्कन गरिएका ६ जनालाई पुरस्कृत गरेको हो ।
जसमा आन्तरिक मामिला तथा कानुन मन्त्रालयका अधिकृत सुरेन्द्र कार्की प्रथम भएका छन् । कार्की मन्त्रालयका सूचना अधिकारी समेत हुन् । त्यस्तै प्रतियोगितामा मकवानपुरमा क्रियाशील रहेका पत्रकार सुनिता विष्ट, प्रेमकला पौडेल द्वितीय भए भने काठमाडौँका पत्रकार फणीन्द्र फुयाँल, पत्रकार अनीश मिजार, शिवराज योगी तृतीय भए । उनीहरू क्रमशः १५ हजार रुपैयाँ, १०/१० हजार रुपैयाँ र ५/५ हजार रुपैयाँ नगदसहित पुरस्कृत भए ।
प्रतिक्रिया