२०८०, १६ चैत्र शुक्रबार

दुर्घटना न्यूनीकरण गर्न त्रिशुलीमा ट्राफिक सचेतना कार्यक्रम

डबली खबर     माघ १९ २०७९ १२:३४

traffic rules awareness program in trishuli school
pratik book and stationery center in nuwakot
social securities awareness bidur municipality
bagamati province sanchar registrar office

त्रिशुली – बढ्दो सवारी दुर्घटना न्यूनीकरण गर्न राष्ट्रिय युवा संघ नेपाल नुवाकोटको आयोजनामा जनचेतनामुलक कार्यक्रम भएको छ ।

“युवाको लागि ट्राफिक प्रहरी मेरो साथी” भन्ने नाराको साथ भएको उक्त कार्यक्रममा जिल्ला ट्राफिक प्रहरी कार्यालयका प्रहरी नायव निरिक्षक मिलनकुमार सिंहले ट्राफिक नियम चिह्न तथा संकेतहरु, सवारी चलाउँदा सवारीमा यात्रा गर्दा अवलम्बन गर्नुपर्ने सुरक्षा सतर्कता, सवारीसाधनको सुरक्षा र चेकजाँच लगायतका सडक दुर्घटना पुर्व सुरक्षित रहन अपनाउनुपर्ने उपायको बारेमा प्रस्तुति दिएका थिए ।

त्रिभुवन त्रिशुली माध्यमिक विद्यालयमा अध्ययनरत कक्षा ११ र १२ का विद्यार्थीहरुलाई जोखिम नियन्त्रण तथा दुर्घटना कम गर्न ट्राफिक नियम सम्बन्धि जानकारी दिन उक्त कार्यक्रम गरिएको संघका अध्यक्ष प्रज्वल सापकोटाले जानकारी दिए । युवामाझ ट्राफिक नियम सम्बन्धि कम ज्ञान हुने र सवारी दुर्घटना हुनबाट पुर्वसचेत रहनको लागि एक दिने कार्यक्रम गरिएको उनले बताए ।

कार्यक्रम विद्यालयको व्यवस्थापन समिति, आखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) र जिल्ला प्रहरी कार्यालयको सहयोगमा भएको उनले जानकारी दिए ।

प्रतिक्रिया


nuwakot trishuli graphic web media service 2020

Top