विदुर – महिन्द्रा गाडीहरुको नुवाकोट र रसूवाको लागि अधिकारिक बिक्रेता रहेको कला मोटर्सले निःशुल्क सार्वजनिक शौचालयको रूपमा उपलब्ध गराएको छ ।
विदुर नगरपालिका संगमचोकमा रहेको उक्त कम्पनीले आफ्ना कार्यालयको शौचालयलाई निःशुल्क सार्वजनिक शौचालयको रूपमा उपलब्ध गराएको हो ।
पैदल यात्रुहरुको सहजता र विदुर नगरपालिकालाई सुन्दर राख्न यस किसिमको अभियानको सुरुवात गरिएको कम्पनीले जनाएको छ ।
यस्तै, नुवाकोटको लागि होण्डा शोरुमका आधिकारिक बिक्रेता कुमारी इन्टर्प्राइजेजले पनि नि:शुल्क सार्वजनिक शौचालयको सुरुवात गरेको छ । होण्डाले देशभरका एक सय सात शोरूममा रहेका शौचालय सार्वजनिक प्रयोगका लागि खुला गरेअनुसार संगमचोकमा रहेको शोरुममा पनि नि:शुल्क सार्वजनिक शौचालय सुरु गरेको हो ।
काठमाडौं महानगरपालिकाका मेयर बालेन्द्र ‘बालेन’ शाहको एजेन्डालाई मध्यनजर गर्दै यस्ता सुविधाको अभियान नै चलेको छ ।
प्रतिक्रिया