नुवाकोट – पत्रकार शक्तिमाया तामाङ “कृष्णमाया लिलानाथ स्मृति पुरस्कार”बाट सम्मानित भएकी छिन् ।
उत्तरगया दैनिक तथा नुवाकोट जागरण साप्ताहिकको वार्षिकोत्सवको अवसरमा विदुरमा शुक्रबार आयोजित समारोहमा पत्रकार तामाङलाई नेपाली काङ्ग्रेसका नेता अर्जुननरसिंह केसीले २५ हजार नगदसहित सम्मान गरेका गरेका हुन् ।
विगत ८ वर्षदेखि पत्रकारिता पेशामा सक्रिय तामाङलाई कोरोना संक्रमणको महामारीमा पनि खोजमूलक समाचार सङ्कलन तथा लेखन गरिएबापत कृष्णमाया लिलानाथ स्मृति पुरस्कार प्रदान गरिएको उत्तरगया दैनिकका प्रकाशक तथा सम्पादक शिव देवकोटाले बताए ।
तामाङ बीबीसी नेपाली सेवा नुवाकोट संवाददाताको रुपमा कार्यरत छिन् ।
म्यागङ गाउँपालिका-६ पनेरा स्थायी घर भएका तामाङ नेपाल आदिवासी जनजाति पत्रकार संघ नुवाकोट अध्यक्ष तथा तामाङ पत्रकार संघ नुवाकोटको जिल्ला अध्यक्ष समेत हुन् ।
प्रतिक्रिया