पानी र नुन प्रयोग गरेर सहज रुपमा नै बीउ राख्न उपयुक्त धानको छनोट गर्न सकिन्छ, जसका लागि निम्न लिखित प्रक्रिया अपनाउन सकिन्छ :
१) ३ लिटर पानीमा मसिनो धानको लागि ५०० ग्राम र मोटो धानको लागि ६०० ग्राम नुनको मिश्रण तयार पार्ने। आवश्यकता बमोजिम पानी र नुनको मात्रा बढाउन पनि सकिन्छ जसमा पानी र नुनको अनुपात ४:१ राखेर मिश्रण बनाउनुपर्छ।
२) सो मिश्रणमा १ केजी बीउ खन्याएर राम्रोसँग घोल्ने। त्यसको २-३ मिनेट बीउलाई तैरिन र थिग्रिन समय दिने।
३) तैरिएका र थिग्रिएका बीउहरुलाई छुट्टाछुट्टै निकालेर फरकफरक ठाउँमा जम्मा गर्ने। यो प्रक्रिया सबै बीउलाई दोहोर्याउने। थिग्रिएका बीउ मात्रै ब्याडमा राख्न उपयुुक्त हुन्छन् ।
४) थिग्रिएका बीउलाई सफा पानीले २-३ पटक राम्रोसँग धुने। यदि सोही दिन बीउ नछर्ने भए छायामा सुकाएर राख्न सकिन्छ।
५) छनोट गरेका बीउलाई ढुसीजन्य रोगबाट बचाउन ३ ग्राम प्रति केजी बीउका दरले बेभिस्टिन जस्ता ढुसीनासकले उपचार गर्ने र उपचार गरेको ३-४ दिनपछि ब्याडमा लगाउने।
प्रतिक्रिया