नुवाकोट – नेकपा एमालेको बागमती कमिटी अन्तर्गतका जिल्लाहरुको अधिवेशन आगामी भदौभित्र गरिने भएको छ ।
शनिबार बसेको नेकपा एमाले प्रदेश कमिटीको बैठकले प्रदेश अन्तर्गतका सबै जिल्लाहरुमा अधिवेशन आयोजक कमिटी गठन गरेको हो ।
नुवाकोटको जिल्ला अधिवेशन आयोजक कमिटीको अध्यक्षमा बद्री मैनालीलाई मनोनित गरेको छ । सचिवमा काशिराज अधिकारीलाई मनोनित गरेको छ ।
मैनाली गत पुष ५ मा नेकपा विभाजनपछि केपी ओली पक्षले बनाएको कमिटीको जिल्ला अध्यक्ष समेत भएका थिए । नुवाकोटमा अधिवेशन आयोजक कमिटीको अन्य पदाधिकारीहरुमा पूर्व जिल्ला कमिटीका सदस्यहरुनै रहने अध्यक्ष मैनालीले जानकारी दिए ।
अब छिट्टै जिल्ला कमिटीको बैठक बसेर पार्टीका आगामी कार्यक्रमहरुलाई नियमित गरिने र भदौमा अधिवेशन सम्पन्न गर्ने मैनालीले बताए ।
प्रतिक्रिया