नुवाकोट – ६४औँ सहकारी दिवसको अवसरमा राष्ट्रिय सहकारी बैंक लिमिटेड नुवाकोट शाखाले च्वाडी पब्लिक माध्यमिक विद्यालयमा ९ सदस्यीय सहकारी बाल क्लब गठन गरेको छ ।
नवगठित बाल क्लबको कार्य समितिको अध्यक्षमा कक्षा ११ मा अध्ययनरत छात्रा रचना खतिवडा, उपाध्यक्षमा नविनराज श्रेष्ठ, सचिवमा अनुप कुमाल र कोषाध्यक्षमा सरिता वयलकोटी चयन भएका छन् । यस्तै, सदस्यहरुमा प्रकाश पौडेल, सागर न्यौपाने, सुचना लामा, सुजिता अर्याल, सुनिता मिजार चयन भएका छन् ।
सहकारी बाल क्लबको संरक्षक शिक्षक सागर लामालाई चयन गरिएको छ ।
जिल्ला सहकारी संघ नुवाकोटका लेखा संयोजक नारायण श्रेष्ठको प्रमुख आतिथ्यता भएको कार्यक्रममा बैंक शाखाका प्रमुख प्रदिप अर्यालले कक्षा ८ देखि कक्षा १२ सम्म अध्ययनरत विद्यार्थीहरुलाई वित्तीय साक्षरता तथा सहकारी सम्बन्धि जनचेतनामूलक प्रस्तुत दिएका थिए ।
कार्यक्रममा सहभागी विद्यार्थीहरुले अहिलेदेखिनै बचत गर्ने र भविष्य सुरक्षित रहने बानीको विकासको लागि र नेतृत्व विकासका लागि क्लब गठन तथा साक्षरता कार्यक्रम फलदायी भएको बताएका छन् ।
प्रतिक्रिया