नुवाकोट – बेलकोटगढी नगरपालिका वडा नं १० बेलकोटस्थित नमूना कृषि सहकारी संस्थाको भवनमा राष्ट्रिय आयुर्वेद तथा तालिम केन्द्रको प्रादेशिक कार्यालय स्थापना गरिएको छ ।
शनिबार केन्द्रको स्थापना गरिएसँगै सोही अवसरमा निःशुल्क स्वास्थ्य शिविर, औषधि वितरण र परामर्श समेत दिइएको छ ।
प्रादेशिक केन्द्रको उद्घाटन बागमती प्रदेससभाका प्रमुख सचेतक केशव पाण्डेले गरेका हुन् ।
कार्यालयबाट सेवाग्राहीलाई आयुर्वेद औषधिको उपलब्धता, आयुर्वेदसम्बन्धी अनुसन्धानसहित तालिमसमेत प्रवाह गरिने केन्द्रले जनाएको छ।
प्रादेशिक केन्द्रमा आयुर्वेद चिकित्सक, कविराजसहितका कर्मचारीमार्फत अबदेखि नियमित सेवा उपलब्ध गराइने छ।
नुवाकोट र विशेषगरी बेलकोटगढीमा पाइने जडीबुटीको अध्ययन, अनुसन्धान, जडीबुटी खेतीको प्रवद्र्धन, आयुर्वेदिक औषधिको उपयोगका फाइदा र यससम्बन्धी प्रचार प्रसार गर्दै तालिमसमेत उपलब्ध गराइने केन्द्रले जनाएको छ।
प्रतिक्रिया