नुवाकोट – जिल्ला कारागार नुवाकोटका तीन जना कैदीहरुको बाँकी कैद मिनाहा भएको छ।
राष्ट्रिय प्रजातन्त्र दिवसको अवसरमा कुल १५७ कैदी मध्ये तीन जनाको कैद मिनाहा भएको जेलर दुर्गा वाग्लेले जानकारी दिए । तीन जना नै कर्तव्य ज्यान मुद्धामा कारागार चलान भएका थिए ।
मुलुकी अपराध संहिता २०७४ बमोजिम अपराधको नकारात्मक सूचीमा नपरेका, ५० प्रतिशत सजाय भुक्तान गरेका, असल चालचलन भएका, जेलर र प्रमुख जिल्ला अधिकारीको सिफारिसमा सरकारले बन्दीको सजाय मिनाहा गरेको हो ।
सजाय मिनाहा पाएका तीन जनालाई नै शुक्रबार आफन्तको जिम्मा लगाई पठाइएको कारागारले जानाएको छ ।
प्रतिक्रिया