२०७८, ११ आश्विन सोमबार

हिन्दू राष्ट्र कायम गर्न माग, नुवाकोट नयाँ कार्यसमितिमा पाण्डे

डबली खबर     मंसिर १४ २०७७ ०७:२९

Sanatan hindu dharma
tribhuwan trishuli secondary school admission open
bidur tax

नुवाकोट – नेपाललाई धर्म निरपेक्षताबाट हटाएर नेपाललाई हिन्दू राष्ट्र कायम गर्न सनातन संस्कृति समाज नेपालले माग गरेको छ ।

सदरमुकाम विदुरमा शुक्रबार आयोजित भेलामा उक्त माग गरेको हो । नेपालको संविधान २०७२ ले एउटै माला नेपालीलाई सूत्रवद्ध गराउन नसकेकोले धर्म निरपेक्षाताको खारेजी गरेर हिन्दू राष्ट्र कायम गर्नुपर्ने समाजका केन्द्रिय वरिष्ठ उपाध्यक्ष विष्णु भट्टराईले बताए ।

त्यसैगरी कार्यक्रममा केन्द्रिय महासचिव पुष्पराज पराजुलीले धर्म निरपेक्षाको नाममा क्रिश्चियन धर्म फैलिइदै गएकाले नेपाल समयसापेक्ष हिन्दू राष्ट्र बनाउनुपर्ने बताए ।

राप्रपा केन्द्रिय कार्यसमिति सदस्य झनकबहादुर प्याकुरेलले सरकारले भ्रष्टाचार बढाएर आम समुदाय मंहगीमा पिल्सिएको बताउदै वैदेशिक ऋणको भारले नेपाली थिचिदै गएको बताए ।

समाजका केन्द्रिय सदस्य श्यामसुन्दर बलामीको अध्यक्षतामा गरिएको कार्यक्रममा संघीयता खारेजीको माग गरिएको थियो ।

नुवाकोटमा नया कार्यसमिति पाण्डे

समाजले रामकृष्ण पाण्डेको अध्यक्षतामा ११ सदस्यीय सनातान संस्कृति समाज नेपाल नुवाकोट गठन गरेको छ ।

समाजको उपाध्यक्षमा प्रदिप कार्की, सचिव सुमन खड्का, सहसचिव शिवप्रसाद डोटेल, कोषाध्यक्ष प्रेम रुम्बा, सदस्यहरुमा उपेन्द्र तामाङ, चक्रबहादुर कार्की, विनोद न्यौपाने, नरबहादुर कार्की, सुदिप पाण्डे छन् भने सल्लाहकारमा पद्मबहादुर कार्की रहेका छन् ।

प्रकाशित: मंसिर १४ २०७७ ०७:२९

प्रतिक्रिया



यो खबर पढेर तपाईलाई कस्तो महसुस भयो ?


Bachchhaladevi Suppliers
Nuwakot FM 106.8 MHz
Trishuli Web Design Services in Nuwakot
Radio Langtang
Radio Sanjiwani



Top