दामिज् नुवाकोट नामक युट्युब च्यानलमार्फत समसायमिक विषयलाई लिएर सन्देशमुलक टेलिचलचित्र “आयो ल्याङ्ग ल्याङ्ग” प्रसारण भइरहेको छ ।
मनिष नगरकोटीको निर्माण र निर्देशन रहेको टेलिचलचित्र हरेक शुक्रबार सार्वजनिक हुने गरेको छ । हरेक शृंखलामा फरकफरक विषयलाई लिएर दर्शकमाझ पस्किरहेको टेलिचलचित्र अहिलेसम्म पाँचौ शृंखलामा आईपुगेको उनले बताए ।
टेलिचलचित्रमा नुवाकोटका कलाकारहरुको अभिनय रहेको छ । नगरकोटी नेताको भूमिकामा देखिएका छन्। कलाकारहरुमा काटूनिस्ट रामहरि रिमाल, संजय रिमाल, फैसिङ तामाङ, प्रेमकुमारी घले, श्रेया अधिकारी, मोहन घले, रमेश अधिकारी, प्रकाश खनाल, सन्तबहादुर तामाङ, विकास रोक्का र बालकलाकार अनिज खनाल रहेका छन् ।
दामिज् नुवाकोटका शरण लामाले टेलीचलचित्रको छायांकन र सम्पादन गरका छन् । गायक शैलेश शाहीले शिर्षक गीत र संगीत दिएका छन् भने रामहरी रिमालकै कथा र संवाद रहेको छ।
आयो ल्यांग ल्यांगको पाँचौ शृंखला
प्रतिक्रिया