सुनखानी, नुवाकोट – शिवपुरी गाँउपालिका सुनखानी पन्तथोकमा रहेको वडा नम्बर ७ को वडा भवनको शिलान्यास भएको छ ।
वडा भवनको पूर्वसभासद् एवं नेपाली काँग्रेस नुवाकोटका सभापति जगदिश्वरनरसिंह केसीले शिलान्यास गरेका हुन् ।
गाँउपालिकाका सिभिल इन्जिनियर मिलनकृष्ण श्रेष्ठकाअनुसार वडा कार्यालय भवन ७१ लाख ९९ हजार ७ सय २१ को कुल लागतमा २ तलेको भवन निर्माण हुनेछ ।
तथ्यांकअनुसार वडामा पुरुष एकहजार एकसय ९७ र महिला एक हजार दुई ५२ गरी कुल दुईहजार चारसय ४९ जना रहेका छन्।
प्रतिक्रिया