गायक सिडी विजय अधिकारीको सुमधुर स्वरमा रहेको मार्मिक गीत ‘सम्झेर सानु’को म्युजिक भिडिओ सार्वजनिक भएको छ।

अमेरिकामा रहेर गीत रचना र संगीत सिर्जनामा सक्रिय रहनुभएका दिल खड्काको यस गीतमा शब्द संगीत रहेको छ।  गीतलाई फणिन्द्र राईले संगीत संयोजन गरेका हुन्।  

सेण्टिमेण्टल भर्सनको यस गीतमा सुखी जीवन बिताउने सपना देखेर बिदेशिएका परदेशीहरुको भावना सुन्न सकिन्छ।  धन कमाएर नेपाल फर्किन्छु भन्दा भन्दै बाध्यतामा परेका परदेशीहरु जो आफ्नो  प्रीय मान्छेलाई सम्झिदै बसेका हुन्छन् ति प्रिय मान्छेहरु  प्रति यो गीत समर्पित छ।

म्युजिक भिडिओमा रोशनी कार्की र राज खड्काको जीवन्त अभिनय देख्न सकिन्छ।  बुद्ध थापाले छायांकन गरेको भिडिओलाई बिष्णु खड्काले सम्पादन गरेका हुन्।  राज खड्काको निर्देशनमा भिडिओ तयार पारिएको हो।  कला, साहित्य र संगीतको प्रवर्दनमा समर्पित जीटुजी मिडियाको अफिसिएल च्यानल मार्फत भिडिओ सार्वजनिक भएको हो।  

परदेशीको पिडा र नेपालीहरुको महान् चाड दशैँको भाव समेटिएको यस भिडिओलाई हेरेर प्रतिक्रिया दिन हुन निर्माण टिमले  सम्पुर्ण संगीतप्रेमीहरुमा आग्रह गरेका छन्।