विदुर – नुवाकोट जिल्लालाई कार्यक्षेत्र बनाएर प्रकाशन भईरहेको सुन्दरादेवी सन्देश साप्ताहिकको प्रत्येक वार्षिकोत्सवकाे अवसरमा स्व. योगमाया टंककुमारी क्रियाशील पत्रकारिता पुरस्कार वितरण गरिने भएको छ। सो पुरस्कारको राशि नगद ११ हजार १ सय ११ रहेको छ।
सुन्दरादेवी साप्ताहिकको प्रकाशक किरण अधिकारीले स्थापना गरेकाे उक्त पुरस्कार अधिकारीको बुवाको माता योगमाया अधिकारी र आमाको माता टंककुमारी भण्डारीको स्मृतिमा स्थापना गरिएको अधिकारीले बताए।
हाललाई जिल्लामा लामो समयदेखि सक्रिय एक जना पत्रकारलाई नगद सहित प्रत्येक वर्ष प्रदान गरिने र यसको पुरस्कार राशी बढाउदै प्रदेश हुदैं राष्ट्रियरुपमा वितरण गरिने अधिकारीले बताए।
साथै केहि समयमा योगमाया टंककुमारी स्मृति प्रतिष्ठान समेत दर्ता गरिने पनि अधिकारीले जानकारी दिए ।
प्रतिक्रिया