विदुर, नुवाकोट । विदुर नगरपालिका-६ इनारपाटीमा भेटिएको साढे दुई लाख रुपैयाँ नुवाकोट प्रहरीले बेलकोटगढी नगरपालिका वडा नम्बर ७ की कमला दमाईलाई फिर्ता दिएको छ ।
सोमबार दिउँसो इनारपाटीमा अन्दाजी ४१ वर्षको एक पुरुषले मादक पदार्थ सेवन गरी नशाको मातमा बाटोबाटोमै पैसा झार्दै हिडीरहेको अवस्थामा जिल्ला प्रहरी कार्यालयबाट खटिएको टोलीले घटनास्थलमा पुगी उनलाई र दुई लाख ४४ हजार २० रुपैयाँ फेला पारेको थियो । उक्त रकम प्रहरी प्रमुख अविनारायण काफ्लेले परिवारलाई बुझाएका छन् ।
सोमबार विदुर नपा-७ मा रहेको आशा वित्तिय संस्थाबाट रकम झिकी घर जाने क्रममा उक्त पैसा झार्दै हिँडेको प्रहरीले जनाएको छ ।
प्रतिक्रिया