खरानीटार, नुवाकोट – बिहिवार तादी गाउँपालिकाको खरानिटार अस्पतालमा रहेको आइसोलेसनबाट एक जना कोरोना संक्रमण निको भएर घर फर्किएका छन् ।
तादी गाउँपालिकाका अध्यक्ष नारायणप्रसाद पाण्डेका अनुसार खरानीटार अस्पतालको आइसोलेशनमा २७ दिन उपचार पश्चात् १९ बर्षिय पुरुष निको भएर घर गएका छन् । पछिल्लो पटकको पिसिआर परिक्षणमा उनको रिपोर्ट निगेटिभ आएपछि घर पठाइएको हो । उनी अब १४ दिन होम क्वारान्टाइन बस्नेछन् ।
हालसम्म नुवकाेटमा २८ जना कोरोना संक्रमित भएका छन् भने १७ जना कोरोनामुक्त भइ घर फर्किएका छन् । ।
प्रतिक्रिया