नुवाकोट – त्रिशुली नदिमा नुहाउन जाने क्रममा डुबेर एक जनाको मृत्यु भएको छ।
बेलकोटगढी नगरपालिका-७ छबिसकाल्लेस्थित त्रिशुली नदीमा डुबेर सोही ठाउँस्थित इँट्टाभट्टामा सवारी चालकको काम गर्ने खोटाङ संजेल घर भएका ५० वर्षीय होमनाथ राईको मृत्यु भएको छ।
नदीमा नुहाउन जाने क्रममा उनलाई बगाएको भन्ने खबर प्राप्त हुनासाथ तत्काल प्रहरी चौकी तारुकाबाट खटिएको प्रहरीले स्थानीयको सहयोगमा उद्दार गरी उपचारको लागि जिल्ला अस्पताल त्रिशुलीतर्फ लैजाने क्रममा उनको बाटोमै मृत्यु भएको प्रहरीले जनाएको छ।
नदीमा नुहाउन जाने क्रममा बगाउँदा करिब २०/३० मिटर बगाएको अवस्थामा स्थानियले देखिपछि खोलाबाट बाहिर निकालेका थिए ।
प्रतिक्रिया