विदुर – भोलि चैत ६ गतेबाट सुरु हुने यस वर्षको एसइइ परीक्षामा नुवाकोटबाट ४ हजार ३ सय ६ जना परिक्षार्थी सहभागी हुँदैछ । नियमिततर्फ ४ हजार १ सय ६५, ग्रेड वृद्धितर्फ ८५ र प्राविधिकतर्फ ५६ जना परिक्षार्थीले जनाले परीक्षा दिँदै छन् ।

नुवाकोट जिल्लाका २४ परीक्षा केन्द्रमा सञ्चालन हुने परीक्षामा प्रश्नपत्र, उत्तरपुस्तिका लगायत अन्य सामग्री पठाउने तयारी पुरा भएको शिक्षा विकास तथा समन्वय ईकाई नुवाकोटका प्रमुख अर्जुनबहादुर श्रेष्ठले जानकारी दिएका छन् ।

विश्वव्यापी रूपमा फैलिएको कोराना भाइरसको संक्रमणबाट परीक्षार्थी प्रभावित हुन सक्ने भन्दै नुवाकोटमा पनि एसइइ परीक्षा केन्द्रमा हेल्थ डेस्क सञ्चालन हुनेछ।

देशभरीबाट परीक्षामा चार लाख ८२ हजार ७ सय ७ जना परीक्षार्थी सहभागी हुने जानकारी परीक्षा नियन्त्रण कार्यालय (पनिका) ले दिएको छ । परीक्षामा छात्रतर्फ दुई लाख ३९ हजार ९१ जना र छात्रातर्फ दुई लाख ४३ हजार ६१६ जना परीक्षार्थी सहभागि हुँदैछन् ।

परीक्षा साधारण विषयतर्फ चैत १४ र प्राविधिक विषयतर्फ १७ गते सकिने कार्य तालिका रहेको छ ।

एसइइ परीक्षा केन्द्रका पूर्ण नामावली

शंकास्पद बिरामी वा संक्रामक रोगको लक्षण देखिएमा तत्कालै जिल्ला अस्पतालका डा.अमित कुमार श्रेष्ठ ९८४३७४२४१५ र स्वास्थ्य कार्यालयका जनार्दन सिलवाल ९८५१२०६३४८ सँग सम्पर्क राख्न  गर्न सकिनेछ ।

कोरोनाभाइरस रोग सम्बन्धी थप जानकारीका लागि स्वास्थ्य मन्त्रालयको हटलाइन नम्बरहरु ९८५१२५५८३९ ,९८५१२५५८३७ , ९८५१२५५८३४ मा बिहान ८ बजे देखि बेलुकी ८ बजे सम्म सम्पर्क गर्न सक्नुहुन्छ। त्यस्तै, काठमाडौं टेकुस्थित हटलाइन नम्बर १११५ मा फोन गर्न सकिने छ ।