निटलाई कांग्रेसको शुभेच्छुक संस्था बनाउने देउवाको भनाई

काठमाडौं । प्रधानमन्त्री एवं नेपाली कांग्रेसका सभापति शेरबहादुर देउवाले लोकतन्त्रवादी पर्यटन व्यवसायीहरुको संस्था नेपाल पर्यटन व्यवसायी संघ (नीट) लाई पार्टीको आगामी केन्द्रिय समिति बैठकबाट पार्टीको शुभेच्छुक संस्थाको मान्यता दिईने बताएका छन ।

नेपाल पर्यटन व्यवसायी संघ (नीट)ले आयोजना गरेको लोकतान्त्रिक पर्यटन व्यवसायिहरुको बृहत भेला तथा सम्मान कार्यक्रममा बोल्दै देउवाले सो कुरा वताएका हुन । चुनावमा नेपाली कांग्रेसको सिद्धान्त र दर्शनले नहारेको तर पार्टीका नेताहरुले चुनाव हारेको उनको भनाई थियो । यस विषयमा पार्टीको केन्द्रिय समितिमा छिट्टै समिक्षा हुने उनले वताए ।

नेपाली कांग्रेका वरिष्ठ नेता रामचन्द्र पौडेलले नेपालमा प्रत्येक गाउँमा पर्यटकिय सम्भावना रहेकोले व्यवसायीहरुले पनि लगानी गर्दा त्यस विषयमा ध्यान दिनुपर्ने वताए । नेपाली कांग्रेसका केन्द्रिय सदस्य दिपक खड्काले नेपालमा विशेषगरी कम्युनिष्ट पार्टीहरुले पर्यटन क्षेत्रमा माफियाकरण गरेको वताए ।

नेपाल पर्यटन व्यवसायी संघ (नीट) का अध्यक्ष दीपक महतले लोकतन्त्रमा आस्था राख्ने व्यवसायिहरुले आफ्नो व्यवसायका साथै सामाजिक उत्तरदायित्व अन्र्तगत धेरै काम गरेको बताए । महतले आँफुहरुले पार्टीवाट केहि नमागेको तर आवश्यक पर्दा सहयोग गरेको वताउँदै निट लाई पार्टीले शुभेच्छुक संस्थाको मान्यता दिनुपर्ने माग गरेका थिए ।

कार्यक्रममा पर्यटन क्षेत्रका विभिन्न संस्थामा निर्वाचित भएका लोकतन्तवादी पर्यटन व्यवसायीहरुलाई बधाई सहित सम्मान गरिएको थियो । उक्त कार्यक्रममा राष्ट्रिय पर्यटन पत्रकार संघ (नाटोज)का केन्द्रीय अध्यक्ष शिव अधिकारीलगायत पत्रकारहरुलाई पनि सम्मान गरिएको थियो । यसैगरी नीटको अभियानमा भूकम्पपछि मानव बस्ती बिहिन बनेको लाङटाङ क्षेत्रमा पुन बस्ती बसाल्ने अभियानको संयोजन गरेका रसुवा–नुवाकोट पर्यटन समाजका अध्यक्ष बलराम न्यौपाने र उनका सहयोगी अशोक शिल्वाललाई समेत सम्मान गरिएको थियो ।

पर्यटन क्षेत्रमा व्यापार व्यवसाय गरेका लोकतान्त्रीक पर्यटन व्यवसायीहरुको बाक्लो उपस्थिति रहेको सो कार्यक्रममा नीटका सहअध्यक्ष रामशरण थपलियाले कार्यक्रमलाई भव्य र सभ्य बनाउन विशाल सहभागीता जनाउनु भएको भन्दै नेता तथा सम्पूर्ण व्यवसायीहरुलाई धन्यवाद प्रकट गरेका थिए । -गन्तव्यनेपालबाट