नुवाकोटमा एम्बुलेन्स दुर्घटनामा एक जनाको मृत्यु भएको छ ।
दुर्घटनामा तादी गाउँपालिका–४ सुन्दरादेवीको बाह्रबिसेमा गएराति भएको हो । मृत्यु हुनेमा मकवानपुर मनहरीका सन्दीप भारती छन ।
कान्तिपुर डेन्टल जनरल हस्पिटल, नयाँबजार, काठमाडौँबाट सञ्चालनमा रहेको बा १६ च ८९७ नंं को एम्बुलेन्स दुर्घटना हुँदा २४ वर्षीय भारतीको घटनास्थलमा नै मृत्यु भएको नुवाकोट प्रहरीले जनाएको छ ।
एम्बुलेन्समा समुन्द्रटारबाट तीनजना चढेर काठमाडौँ जान लागेको भए पनि दुर्घटनापछि बाँकी दुईजना सम्पर्कमा नआएको प्रहरीले जनाएको छ ।
एम्बुलेन्स सडकबाट करिब ५० मिटर तल पुगेको जिप्रका नुवाकोटका प्रहरी नायब उपरीक्षक मधुकरजंग विष्टले जानकारी दिए ।
प्रतिक्रिया