अबैध बालुवा उत्खनन्मा प्रयोग भइरहेको ११ थान ट्रिपर आज जिल्ला प्रहरी कार्यालय नुवाकोटले नियन्त्रणमा लिएको छ ।
रातमाटे क्षेत्रबाट नियन्त्रणमा लिइएको उक्त ट्रिपर जिल्ला ट्राफिक प्रहरी कार्यालय नुवाकोट परिसरमा राखिएको छ । अबैध रुपमा त्रिशुली नदीबाट बालुवा निकालिरहेको समयमा ति ट्रिपरहरु नियन्त्रणमा लिइएको जिल्ला प्रहरी कार्यलय नुवाकोटले जनाएको छ ।
पछिल्लो समय अवैध रुपमा नदीबाट भइरहेको बालु उत्खनन्मा स्थानीय प्रशासन र प्रहरी मौन रहँदै आएकोमा यो वर्खामा पहिलो पटक प्रहरी कारबाही भएको हो । अघिल्ला वर्षहरुमा जिल्ला विकास समिति, जिल्ला प्रहरी कार्यालय, घरेलु कार्यालय र जिल्ला प्रशासन कार्यालयले आ–आफ्नो तर्फबाट अबैध खानी नियन्त्रण देखि नदीमा मेसिन लगाएर बालुवा झिक्नेलाई नियन्त्रण गर्दै आएको थियो ।
यो पाली भुकम्प पछिको पुर्न निर्माणाको लागि भन्दै बालुवा माफियाहरुले नदीमा मेसिन प्रयोग गर्दा पनि प्रहरी र प्रशासनले मौन रहेको नागरिकहरुले पटक पटक गुनासो गरेका थिए ।
आज जिल्ला प्रहरी कार्यालयले ट्रिपर नियन्त्रणमा लिएसंगै नदीमा हुने अबैध कार्य नियन्त्रणका लागि केही सघाउ पुग्ने नदी संरक्षणमा जुटेकाहरुले बताएका छन् ।
नुवाकोट जिल्लाको त्रिशुलीमा बढी बालुवा मेसिन लगाएर झिक्ने गरेको भएपनि तादी र लिखु खोलामा पनि उत्तिकै प्रयोग हुँदै आएको छ ।
प्रतिक्रिया