संगीतमार्फत सामाजिक जागरणमा लागेकी पप-आधुनिक गायिका दीपा पन्तले आफ्नो तेश्रो गीति एल्वम तेजीमार्फत श्रोता तथा दर्शहरुसंग तेश्रो भेट गरेकी छिन् । चार वटा पप आधुनिक गीत समावेश एल्वम तेजीमा उनले सवै गीतमा स्वर दिएकी छिन् ।

नुवाकोटको थानसिं गाविस वडा नं. १ छहरेकी गायिकाको यस एल्वममा समावेश चार वटा गीत मध्ये सो एल्वमको झट्काको म्युजिक भिडियोसमेत बजारमा ल्याएकी छिन् । उनले यसै साता तेश्रो एल्वम तेजी र त्यसभित्रको झट्काको म्युजिक भिडियो वजारमा ल्याएकी छिन् । सो म्युजिक भिडियोमा दीपाका साथमा मोडेलहरु केकी अधिकारी र केके अधिकारीले अभिनय गरेका छन् । काठमाडौ फनपार्कमा खिचिएको सो म्युजिक भिडियोको छायांकन हरि हुमागाइले गरेका हुन् ।

तेजी भन्दा अगाडि गायिका दीपाले पहिलो गिती एल्वम रियालिटी, दोश्रो एलवम दिलको वदला ल्याइसकेकी छिन् । उनले ल्याएको पहिलो एल्वम रियालिटीमा तिमीलाई म कति माया गर्छु र दोश्रो एल्वमवाट दिलको वदला दिल, कालो गाजल, दुखाउंदिन मुटु भन्छौ भने गीतको म्युजिक भिडियो चार वर्ष अगाडि नै ल्याइसकेकी थिइन् । उनले छुट्टै तीज गीत पनि गायर त्यसको म्युजिक भिडियोसमेत वजारमा ल्याइसकेकी छिन् । दीपाले उनको दोश्रो गीती एलवम दिलको वदला दिल वोलको गीत चर्चामा आयो र त्यसको सिआरविटी र पिआरविटीवाट निकै नाम र चर्चा वटुलिन् ।

सानैदेखि गीतसंगीत र नृत्यमा रुचि राख्ने दीपाले आफ्नो सफलता नै श्रोता तथा दर्शक भएको वताइन् । गीत गाउनुका अलावा उनी काठमाडौ गोलढुंगामा रहेको सेन्ट जोसेफ विद्यालयमा गणित विषय पढाउंदै आएकी छिन् ।