पुल बगाउँदा पाँच गाविस संकटमा

विदुर – अविरल वर्षातसंगै आएको वाढीले नुवाकोटको तुप्चे र मनकामना गाविस जोड्ने पक्की पुल बगाउँदा जिल्लाको गाविसका सर्वसाधारणको आवतजावत ठप्प भएको छ ।

अविरल वषाृत्संगै आएको वाढीले सदरमुकाम विदुरदेखि २० किलोमिटर उत्तरमा रहेको तुप्चे गाविस वडा नं. १ सोले र मनकामना गाविस वडा नं. ३ जोड्ने सलाखुखोलामाथिको मोटरेवल पुल गएरातीको वर्षातपछिको वाढीले बगाउंदा हजारौं सर्वसाधारण समस्यामा परेका छन् ।

सलाखु खोलामा वाढी आउंदा पुल पश्चिमतर्फको जिपका संरचना वगाउंदा आवतजावत वन्द भएको स्थानीयवासी नारायणसिह लामाले बताए । पुल बगाएपछि मनकामना, फिकुरी, काहुले, भाल्चे र साल्मे गाविसका हजारौं सर्वसाधारणको आवतजावत बन्द भएको उनले बताए ।

वढीले सलाखु खोलाको पुलमा क्षति पु¥याएको कारण आसपासका पांच गाविसका हजारौं यातायात सेवा बाट पूर्णरुपमा बन्चित भएको फिकुरीका राजनीतिककर्मी छत्र लामाले बताए । चार वर्ष अगाडि निर्माण गरिएको सो पुल निर्माणकै समयमा गुणस्तरहीन रुपमा निर्माण गरिएको स्थानीयवासीले बताउंदै आएका थिए । बाढीले पुल वगाएपछि हजारौं सर्वसाधारण एक घण्टा माथि रहेको पहिरेवेशीस्थित माथिल्लो त्रिशूली थ्रिए आयोजनाले निर्माण गरेको अस्थायी वेलिव्रिजवाट आवतजावत गर्न वाध्य भएका छन् ।

छिटो भन्दा छिटो सलाखु खोलालाई पुरानै स्थानबाट बग्ने गरि तटवन्ध निर्माण गरी क्षतिग्रस्त पुल मर्मत गरेर आवतजावत सहज वनाइनु पर्ने स्थानीयवासीले माग गरेका छन् । पुल मर्मत गरेर यातायात सञ्चालन गर्न सकिएन भने बर्षातमा उक्त भेगका जनताहरु यातायात सेवाबाट पूर्णरुपमा बन्चित हुने छन् । यसका साथै सयौं कृषकहरुले पालेको र हालसालै बजारमा खपत गर्न तयार भइसकेका लाखौको संख्यामा रहेका कुखुराहरु समेत बजार पुग्नबाट बन्चित भई गाउंमै मर्ने अवस्थामा रहेको अर्का कृषक वीरवल तामाङले बताए । साथै, पुल मर्मत नभएमा कृषकहरुलाई ठूलो आर्थिक नोक्सान हुने र बर्षातको मलखादलगायत नुवाकोटको माथिल्लो भेगको पुनर्निर्माण कार्यक्रम समेत प्रभावित हुने फिकुरी प्रहरी चौकीले जनाएको छ ।