२१ माघ, नुवाकोट । शिवपुरी गाउँपालिका वडा नम्बर–६ स्थित बखती टोलमा सोमबार बिहान भएको आगलागीमा करिब रु पच्चीस लाख मूल्य बराबरको क्षति भएको छ ।

स्थानीयवासी सीताराम बखतीको घरमा विद्युत चुहावट भइ  सल्केको आगो फैलिएर घर पूर्णरुपमा नष्ट भएको स्थानीयवासी लक्ष्मण लामाले बताए ।

आगलागीबाट घरमा भएका खाद्यान्न, लत्ताकपडा, फर्निचर, टेलिभिजन, कृषि औजारका सामग्री लगायत सम्पूर्ण सामान जलेर नष्ट भएको वडा नम्बर ६ का सदस्य कमल लामाले जानकारी दिए ।

स्थानीयवासी र प्रहरीको सहयोगमा झण्डै चार घण्टामा आगो नियन्त्रणमा लिइएको थियोे ।