१७ पुस, नुवाकोट । गायक पृथ्वी खनालको नयाँ गीत ‘जोरी पारी’ को भिडिओ सार्वजनिक भएको छ ।

सशस्त्र प्रहरी बल नेपालमा कार्यरत खनालले आफ्नै युट्युब च्यानल पृथ्वी खनालबाट उक्त गीत सार्वजनिक गरेका हुन् ।

भ्योईस अफ नेपालबाट चर्चा बटुल्न सफल गायक खनाल र आरसी रिमालको स्वर रहेको छ ।

गीतमा फिन्जु पाख्रिनको शब्दसंगीत र साहस शाक्यको संगीत संयोजन रहेको छ ।

गीतमार्फत् गायक खनालले खुला सिमानाको फाइदा उठाउँदै नेपाललाई ट्रान्जिट बनाएर सुन तस्करहरुले अन्तर्राष्ट्रियस्तरमा सुन पठाउने गरिएको सन्दर्भलाई जोड्न खोजेका छन् । यस्ता संगठित अपराधमा नलाग्न र गैरकानुनी कार्य गर्नेलाई नेपाल प्रहरीले नछाड्ने सन्देश दिन खोजेको बताए ।

बिजय पुन, मौसम हिमाली र सुप्रिया खनाल अभिनित उक्त म्युजिक भिडिओ सशस्त्र प्रहरी बलका ईन्स्पेक्टर समेत रहेका खनालले नेपाल प्रहरीका डिएसपी बनेर अभिनय गरेर तस्करलाई पक्राउ गरिएको देख्न सकिन्छ ।

भिडिओ