नुवाकोट – बजेट विनियोजन भएको झन्डै एक बर्षपछि म्यागङ गाउँपालिका वडा नं ६ को वडा कार्यालय भवनको शिलान्यास भएको छ ।
चालु आर्थिक वर्ष २०७७/७८ मा वडा नं ६ को वडा कार्यालयको भवन निर्माणको योजना बनाएर गाउँपालिकाबाट ३५ लाख बजेट विनियोजन भएको थियो ।
चार कोठे र एक सभाहलको बन्ने वडा भवनको गाउँपालिका अध्यक्ष आशा तामाङले शिलान्यास गरेका हुन् ।
भवन निर्माणको बजेट अपुग रहेकोले थप आवश्यक बजेट आव २०७८/७९ बाट विनियोजन गरिने वडाध्यक्ष आत्मसिङ तामाङले बताए । बजेट विनियोजन भएको झन्डै एक बर्षपछि शिलान्यास भएतापनि आगामी दिनमा वडा कार्यालय भवन निर्माणको कामले तिव्रता पाउने उनले बताए ।
वडा क्षेत्रमा रहेको सार्वजनिक जग्गामा नै वडा कार्यालय भवन निर्माण भएको वडाले जनाएको छ ।
लेखकको बारेमा
प्रतिक्रिया