१३ चैत, काठमाडौं । नवनियुक्त प्रधानमन्त्री बालेन्द्र साहले पदभार ग्रहण गरेसँगै बसेको मन्त्रिपरिषद् बैठकले महत्वपूर्ण चार निर्णयहरू गरेको छ।
सिंहदरबारमा बसेको पहिलो बैठकले विशेषगरी युवा पुस्ताको ‘जेन-जी’ आन्दोलनको छानबिन प्रतिवेदन कार्यान्वयन र शासकीय सुधारलाई प्राथमिकतामा राखेको छ ।
बैठकले जेन-जी आन्दोलनका साथै मुलुकका विभिन्न कालखण्डमा भएका आन्दोलनका ज्ञात-अज्ञात शहीदहरूप्रति सम्मान एवं श्रद्धाञ्जली व्यक्त गरेकाे छ ।
सरकारको प्रवक्ताको जिम्मेवारी शिक्षा, विज्ञान तथा प्रविधिमन्त्री सस्मित पोखरेललाई दिने निर्णय भएको छ।
प्रशासनिक चुस्तता र सुशासनका लागि मन्त्रिपरिषद्ले ‘सरकारको शासकीय सुधारका १०० कार्यसूची’ स्वीकृत गरेको छ। यी कार्यसूचीहरू भोलिसम्म सार्वजनिक गर्ने तयारी गरिएको छ।
यस्तै भदौ २३ र २४ गतेको प्रदर्शनका क्रममा भएका घटनाको जाँचबुझ गर्न गौरीबहादुर कार्कीको अध्यक्षतामा गठित आयोगले नेपाल सरकारसमक्ष पेश गरेको प्रतिवेदन कार्यान्वयन गर्ने निर्णय गरेकाे छ।
प्रतिक्रिया