२४ मङ्सिर, नुवाकोट । आसन्न नेपाली समाज टेक्सासको अधिवेशनको निर्वाचन आगामी डिसेम्बर १३, शनिबार पशुपतिनाथ तथा बुद्ध बिहार, युलेसमा हुँदैछ। निर्वाचनबाट नयाँ कार्यकाल २०२६–२०२७ का लागि नयाँ नेतृत्व चयन गर्नेछ ।

समाजको अध्यक्ष पदका लागि विजय भुसाल र जनक भण्डारी उम्मेदवारी रहेको छ । निर्वाचन नजिकिँदै जाँदा उम्मेदवारहरूको चुनावी गतिविधि तीव्र बनेको छ।

यही क्रमसँगै टिम ‘विजय’को प्यानलबाट कोषाध्यक्ष पदका उम्मेदवारी दिएका प्रेम थापा (आदित्य) ले समुदाय सेवा, आर्थिक पारदर्शिता र इमानदार व्यवस्थापनलाई मुख्य एजेण्डा बनाउँदै चुनावी अभियान होमिएका छन् ।

कोषाध्यक्ष पदका उम्मेदवार उनी नुवाकोट जिल्ला दुप्चेश्वर स्थायी निवासी हुन्। सानिमा बैंकका पूर्वकर्मचारी समेत रहेका उनी सन् २०२२ मा अमेरिका प्रवेश गरेका थिए ।

नेपालमा रहँदै बैंकिङ तथा प्रशासनिक क्षेत्रमा अनुभवले निखारिएका उनी अमेरिकामा पनि वित्तीय क्षेत्रमै संलग्न रहँदै आएका छन् । आर्थिक व्यवस्थापनमा दक्ष, व्यवस्थित र जिम्मेवार उम्मेदवारको रूपमा उनी अघि बढेका हुन् ।

समर्थकहरूका अनुसार उनको अनुभवले संस्थाको कोषाध्यक्ष पदलाई प्रभावकारी बनाउने क्षमता राख्ने बताउँछन् ।

कोषाध्यक्षका रूपमा जिम्मेवारी पाउने अवसर मिले संस्थाको एक पैसा पनि व्यक्तिगत स्वार्थमा खर्च हुन नदिने कडा प्रतिवद्धता उनले सार्वजनिक रूपमा जाहेर गरेका छन्।

अनुभव, शुद्ध आर्थिक दृष्टिकोण र पारदर्शी कार्यशैलीलाई आधार बनाएर अघि बढिरहेका थापालाई समुदायले सक्षम र आवश्यक उम्मेदवारको रूपमा हेरेको छ।

संस्थागत आर्थिक प्रणालीलाई मजबुत बनाउने तथा विश्वास वृद्धि गर्ने क्षमताका आधारमा उनको उम्मेदवारी यसपटक निर्णायक बन्ने अपेक्षा व्यक्त गरिएको छ।