१३ मङ्सिर, नुवाकोट । विदुर नगरपालिका वडा नं. ५ को कार्यालयले सडक अतिक्रमण विरुद्ध वडा कार्यालयको कडा कदममा सूचना जारी गरेको छ ।
वडा अध्यक्ष लिलानाथ न्यौपानेद्वारा हस्ताक्षर गरिएको सूचनाअनुसार वडा क्षेत्रको गल्छी-त्रिशूली सडकखण्ड (देविघाटदेखि गङ्गटे बजारसम्म) मा भएको अतिक्रमण हटाउन र सडकमा कुनै पनि सामग्री (मकै, पराल, आदि) नसुकाउन कडा निर्देशन दिएको छ।
कार्यालयले सडक दुर्घटना न्यूनीकरण गर्न र सार्वजनिक सडकको सहजता कायम गर्न अनुरोध गरेको छ ।
सडक मापदण्ड मिचेर बनाइएका संरचना, झाडी, र बिरुवाहरू तत्काल हटाउन समेत निर्देशन दिएको छ ।
सूचना अटेर गर्ने व्यक्ति वा संस्थालाई सम्बन्धित निकायबाट कारबाही गरिने चेतावनी दिएको छ ।
प्रतिक्रिया