२० असार, नुवाकोट । पौडी खेल्न जाने क्रममा खोलाले बगाई बेपत्ता भएका एक युवाको शव १७ दिनपछि भेटिएको छ ।
गत असार ३ गते दुप्चेश्वर गाउँपालिका-७ कुटुङखोलाका २६ वर्षीय नोनो शेर्पा घरभन्दा दुई सय मिटर तल रहेको तादी खोलामा पौडी खेल्न जाने क्रममा खोलाले बगाई बेपत्ता भएको थियो ।
खोजतसालका क्रममा आज असार २० गते बिहान १० बजेको समयमा वडा नं. ६ टटलेस्थित खोलाको बगरमा मृत अवस्थामा फेला परेको जिल्ला प्रहरी कार्यालय नुवाकोटका सूचना अधिकारी विक्रम लामाले जानकारी दिए ।
प्रारम्भिक अनुसन्धानको कार्य गरी मृत शव पोष्टमार्टमको लागि त्रिशूली अस्पालमा लगिएको र घटनाको सम्बन्धमा थप अनुसन्धानको कार्य भई रहेको प्रहरीले जनाएको छ ।
प्रतिक्रिया