३ असार, नुवाकोट। दुप्चेश्वर गाउँपालिकामा गृहिणी महिला सशक्तिकरण कार्यक्रम अन्तर्गत विभिन्न तालिम प्रदान गरिएको छ ।

बगमती प्रदेश सामाजिक विकास मन्त्रालयसँगको सहकार्यमा गाउँपालिकाको आयोजनामा गृहिणी महिला सशक्तिकरण कार्यक्रम अन्तर्गत चालु आर्थिक वर्षमा विभिन्न आठ किसिमका तालिममा छनौट भएका गृहिणी महिलालाई तालिम दिइएको हो ।

गृहिणी महिलाहरूको सशक्तिकरणका लागि उद्यमशीलता, स्वावलम्बन र सीपमूलक तालिममार्फत स्वरोजगार एवं आत्मनिर्भर बनाउन सहयोग गर्ने उद्देश्यले पालिकामा कार्यक्रम सञ्चालनमा ल्याइएको अध्यक्ष शंकरबहादुर थापाको भनाइ छ ।

पालिकाका गृहिणी महिलालाई १५/१५ दिने ऊनको बुनाई, धुप बनाउने उद्यमशिलता तथा बजार व्यवस्थापन र व्युटिसियन तालिम दिइएको हो ।