१ जेठ, नुवाकोट । राष्ट्रिय युवा सङ्घ नेपाल नुवाकोट र अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) नुवाकोटले बालबालिकालाई फलफुल वितरण गरेको छ।
युवा तथा विद्यार्थी स्थापना दिवसको अवसरमा सङ्घ र अनेरास्ववियुले संयुक्तरुपमा विदुर नगरपालिका-२ स्थित शिवालयमा रहेको आमाको मायाका आश्रित बालबालिकालाई फलफुल वितरण गरेको राष्ट्रिय युवा सङ्घ नेपाल नुवाकोटका अध्यक्ष प्रज्वल सापकोटाले जानकारी दिए ।
विद्यार्थी देशको भविष्यका कर्णधार हुन् र उनीहरूको सक्रिय सहभागिता बिना कुनै पनि राष्ट्रले प्रगति हासिल गर्न नसक्ने जसका लागि आज पनि एकताबद्ध विद्यार्थी आन्दोलनको महत्व उत्तिकै रहेको उनले बताए ।
नयाँ जोशले भरिएको बालबालिकालाई सहयोग गरि स्थापना दिवस मनाइएको अनेरास्ववियुका नेता फैसल दिनले बताए । विद्यार्थी दिवसले सम्पूर्ण विद्यार्थीलाई एकजुट भई यी उच्च लक्ष्य प्राप्त गर्न प्रेरणा प्रदान गर्ने उनले बताए ।
विद्यार्थी एकताको अद्वितीय शक्तिले आन्दोलनमा ऐतिहासिक विजय हासिल गरेको दिनको सम्झनामा हरेक वर्ष जेठ १ गतेलाई विद्यार्थी दिवस (एकता र विजय दिवस) को रूपमा मनाइँदै आएको छ ।
प्रतिक्रिया