शिवम् सिमेन्टको नाफा २५ करोड

काठमाडौं – शिवम् सिमेन्टले २५ करोड बढी खुद नाफा कमाएको छ । कम्पनीको आर्थिक वर्ष २०८०/८१ को चौंथो त्रैमासिक वित्तीय विवरणले यस्तो प्रगति देखाएको हो ।

गत वर्ष कम्पनीले २५ करोड २ लाख रुपैयाँ खुद नाफा कमाएको छ । कम्पनीको यो नाफा अघिल्लो आवको तुलनामा भने ५७.९३ प्रतिशत कमी हो । अघिल्लो आवको साउनदेखि असार मसान्तसम्ममा भने कम्पनीले ५९ करोड ४७ लाख रुपैयाँ खुद नाफा कमाएको थियो ।

गत वर्ष कम्पनीको कम्पनीले ७ अर्ब ७० करोड ७४ लाख रुपैयाँ संचालन आम्दानी गरेको छ । तर, यो अघिल्लो आवको तुलनामा भने झिनो (०.५८ प्रतिशत) कमी हो । गत वर्ष कम्पनीको अन्य आम्दानी पनि ४५.४१ प्रतिशत घटेर १९ करोड ८५ लाख रुपैयाँ कायम भएको छ। गत वर्ष कम्पनीको कुल नाफामा पनि १९.४९ प्रतिशत गिरावट आई १ अर्ब ३ करोड ४८ लाख रुपैयाँ कायम भएको छ ।

कम्पनीको कुल खर्च पनि ४.१८ प्रतिशत घटेर ९५ करोड ६३ लाख रुपैयाँ कायम भएको छ। यता, प्रतिसेयर आम्दानी (इपिएस) पनि ८ रुपैयाँ ५४ पैसाले घटेर ४ रुपैयाँ ९८ पैसा कायम भएको छ । प्रतिसेयर नेटवर्थ भने १८९ रुपैयाँ ०२ पैसा कायम भएको छ। हाल कम्पनीको चुक्ता पुँजी ५ अर्ब २ करोड ७० लाख रुपैयाँ कायम भएको छ ।