ढिकुरेमा एमाले नुवाकोटको अधिवेशन हुँदै

विदुर – नेपाल कम्युनिस्ट पार्टी (एमाले) नुवाकोटको आठौं जिल्ला अधिवेशनकाे तयारी पूरा भएको छ ।

आज जेठ २२ देखि २४ गतसम्म हुने तीन दिनको अधिवेशनको उद्घाटन सत्र लिखु गाउँपालिकाको ढिकुरे घाटबगरमा र बाँकी दिनको बन्दसत्र बट्टारमा गरिने पार्टीका अध्यक्ष बद्री मैनालीले जानकारी दिए ।

जिल्लाका भूगोल, जनवर्गीय सङ्गठन र विधानबमोजिमका निकायबाट तथा मनोनित प्रतिनिधिले अधिवेशनमा सहभागिता जनाउने अध्यक्ष मैनालीले बताए ।

अधिवेशनको तयारीका लागि विभिन्न १५ उपसिमिति गठन गरिएको छ ।

अधिवेशनको उद्घाटन सत्रको पार्टी अध्यक्ष केपी शर्मा ओलीले उद्घाटन गर्नेछन् । अधिवेशन निर्वाचनको लागि यसपटक भोटिङ उपकरण प्रयोग गरिने भएको छ ।

अधिवेशनले एक अध्यक्ष, उपाध्यक्ष, सचिव र दुई उपसचिवसहित १०५ जनाको जिल्ला कमिटी निर्वाचित गर्नेछ ।