विदुर – नुवाकोट जिल्लामा सञ्चालन हुँदै आएका सार्वजनिक सवारीसाधनहरूको भाडादर कायम गर्न निर्देशन दिएको छ।
यातायात व्यवस्था समितिका संयोजक प्रमुख जिल्ला अधिकारी रामकृष्ण अधिकारीले प्रदेश राजपत्र भाग-३ २०८० भदौ ७ गते सङ्ख्या १२ खण्ड (७) मा प्रकाशित भए अनुसारको भाडादरअनुसार भाडादर कायम गर्न निर्देशन दिएको छ ।
भाडादर साधनमा अनिवार्य टाँस गरी जेष्ठनागरिक, अशक्त, महिलाको आरक्षित सिट र छुटको व्यवस्था कार्यन्वयनको गर्नुपर्ने छ । यस्तै, विद्यार्थी परिचयपत्रको आधारमा सहुलियत दिनुपर्ने निर्यण गरिएको थियो ।
भाडादरमा स्थानीय रुटमा न्यूनतम २० रुपैयाँ भाडादर छ ।
यसअघि सार्वजनिक सवारीसाधनहरूले राजपत्रको वेवास्ता गरी मनोमानी रूपमा भाडा असुलेको व्यापक जनगुनासो थियो।
प्रतिक्रिया